കൈവിളക്ക്

ഉണരുമീ പുലരിയിൽ നിൻ മുഖം കാണുവാ-
നണയുന്നു ഞാനിന്ന് തവസന്നിധേ.
ഉരുകുമീ നേരത്ത് ഉണരുന്ന പ്രാർത്ഥന
കേൾക്കണേ നീയെന്റെ തമ്പുരാനേ.

ഇരുളുന്ന വേളയിൽ തെളിയുന്ന ദീപമാ-
യണയണേ നീയെന്റെ വീഥികളിൽ.
തെളിയണേയെൻ ദീപം നിൻ സ്നേഹജ്വാലയാ-
ലണയാതെയെന്നും നിൻ കൈവിളക്കായ്.

ഉരുകിയൊഴുകുന്ന മെഴുതിരി നാളമായ്
തവ ജ്യോതി മന്നിൽ പ്രകാശിച്ചിടാൻ
ഇടയാക്കണേയെന്നും നിന്റെ കൈക്കുഞ്ഞിനെ
ഉയരുന്ന കാറ്റിൽ ഉലഞ്ഞിടിതെ.